كيف تحقق النجاح في الحياة ؟
السؤال دا بيسأله ناس كتيير جداً وبيبحثوا عن طرق وأساليب وغيره عشان يعرفوه !!
ستيفن كوفي جاوب على السؤال دا بعد ما درس مجموعة من الشخصيات الناجحة على مر التاريخ
واستخلص سبع عادات أساسية اتميزت بيها الشخصيات دي :-
1- كـن مبادراً
علشان تكون مبادر حاول تغير الظروف علشان تخدم أهدافك ، مش تغير أهدافك علشان الظروف !!!
ناس كتير بيتحركوا بناءاً على ظروفهم ، وحياتهم هي مجرد ردود أفعال لأحداث بتحصل من حولهم .
لكن الشخص المبادر والمسيطر بيتحكم في الأشياء والأحداث من حوله !
مصطفى و حسام عندهم امتحان بكره وكانوا معتمدين على مذاكرة اليوم داانت مسؤول تماماً عن حياتك ، لا تلوم ظروف وتبرر فشلك دايماً على اللي حواليك
لكن الكهربا قطعت طول اليوم !!
مصطفى استسلم للكهربا إللى قطعت ومذاكرش وسقط في المادة
لكن حسام راح لواحد صاحبه في مكان تاني الكهربا مقطعتش عنده وذاكر معاه ونجح !
حاول توظف وتطوع ظروفك عشان تحقق أهدافك ، وركز على الحل متركزش على المشكلة .
2- ابدأ والنهاية في ذهنك
( القيادة الشخصية : بمعنى إنك تقوم بقيادة نفسك تجاه أهدافك في الحياة )
لما تيجي تبدأ نشاط وفيه هدف نهائي ليه في ذهنك ، دا هيساعدك على التخلص من التشتت وضياع المجهود
وهيساعدك على التركيز ويخليك أكتر إنتاجية
تخيل إنك في جنازة ، والجنازة دي طلعت بتاعتك !! تحب الناس تفتكرك ازاي ؟؟؟لازم في حياتك تحدد لنفسك هدف نهائي
بإنك الشخص اللى كان متشائم طول الوقت ، اللى معملش حاجة في حياته تقريباً !!
ولا بأنك الشخص اللى على الرغم من ظروفه قدر يغير حياته وحياة اللى حواليه !!
مينفعش تعيش كدا كل يوم بيوم زي المركب اللى من غير شراع والموج بيحدفها في أي اتجاه !
انت عبارة عن شركة أو مؤسسة (( أفكارك زي الموظفين )) مينفعش أي مؤسسة تمشي
من غير رسالة واضحة ، لازم رسالة محددة تساعد الموظفين إنهم يشتغلوا في إتجاه معين
مش كل يوصلوا الشغل محدش عارف هيروح فين ولا هيعمل إيه
3- قم بالأشياء المهمة أولاً (( الإدارة الشخصية ))
وهي تنفيذ فعلي للحاجات والخطوات اللى قمت بتحديدها في النقطة اللى فاتت !!
في حياتنا أشياء مهمة وأشياء غير مهمة ، أشياء عاجلة وأشياء يمكنها الإنتظار
حاول إنك تهتم بالأشياء المهمة الأول ودا هيزيد من فاعليتك
تنظيم الوقت مهم جداً ( أهم من الفلوس ) الفلوس إللى بتصرفها بتعرف تسترد غيرها لكن الوقت مش بيرجع
# خليك فاكر الجملة دي وانت بتابع مواقع التواصل الإجتماعي بدون هدف !!
4- الكل رابح ( المكسب المشترك )
فكر بطريقة تخلي الكل هيكسب
لو انت عايزني أشتغل بمنتهى الجدية في مشروعك حاول تشركني في النجاح
دور على طريقة تخلي جهودنا واحدة ومصلحتنا مشتركة، حاول تبعد عن سياسة أنا هكسب ومش مهم غيري !!
عمر عنده شركة بيشتغل فيها 100 موظف ، متوسط مرتباتهم في شركته 2000 جنيهحاول متراهنش على غباء الناس !
في حين إن متوسط مرتبات الموظفين في شركات مشابهة 2500 جنيه ، كل اللى مهتم بيه عمر
هو مكسبه الشخصي ، ومش شايف إنه هيكسب اي حاجة لو الطرف التاني كسب !
بعد سنة بيقيم الربح ، لقى إن المبلغ غير إللى كان متوقعه !!
واللى وفره مرتبات صرف أضعافه علشان الناس اللى بتسيب الشغل بمعدل كبير
وبيضطر يجيب موظفين جداد يصرف على تدريبهم وتعليمهم من الأول !!
مكسبك الأناني هيكون على المستوى القريب بس ، بعكس لو عرفت توصل لمصلحة ومكسب مشترك
هتحقق نجاح أكبر وهيستمر فترة أطول
5- افهم الناس علشان الناس تفهمك
علشان علاقاتك تتحسن لازم تطبق الفكرة دي
التواصل السليم أساس نجاح العلاقات الشخصية اللى هي أساس زيادة الفاعلية والنجاح .
لو كنت دكتور مش هتقدر تشخص حالة المريض اللى قدامك بدون ما تسمع منه الأعراض
مهارات التواصل مع الأخرين مهمة جداً ، إنك تحسس الطرف الآخر إنك فاهم وجهة نظره ومقدر موقفه
ومتعاطف معاه ، هيساعدك في إن الطرف الأخر يفهم موقف ويتعامل معاك بالمثل .
حسن أب ، النهارده ابنه المراهق رجع من المدرسة مقرر إنه مش هيروح المدرسة تاني !!لو الطفل شعر إن أبوه سمعه وفهم موقفه كويس
حسن قدامه حلين :
- إنه يستخدم الإجبار والعنف و يفرض رأيه الرافض رأي ابنه .
- أو ممكن يهتم بكلام ابنه ويحسسه إنه فاهم موقفه ويقوله مثلاً : شكلك مضايق من المدرسة
أو شكلك مش حاسس إن المدرسة ليها فايدة
هيكون أكثر قابلية إنه يسمع كلام أبوه ويفهم موقفه ، والمشكلة تتحل .
6- تعاون مع الأخرين ( 1 + 1 = 11 )
الكل أكبر من مجموع أجزاءه
لو فيه طفلين عايزين يوصلوا للعربية اللعبة إللى موجودة فوق الطاولة ، الاتنين قصيرين
ومش قادرين يوصلوا للطاولة بايديهم ، لو حد فيهم رفع التاني هيبقى مجموع طولهم يوصلهم للعبة
بعكس لو كل واحد فيهم حاول لوحده مش هيوصل !
عصام عنده شركة صغيرة وخبرته 5 سنين ، قرر يتوسع وجاب مدير تسويق خبرة 15 سنةاحنا عندنا وقت محدود ، مش هتقدر تتعلم كل حاجة ولا هيبقى عندنا الكفاءة اننا نعمل كل حاجة
كدا عصام زود خبراته 15 سنة من غير ما يستهلك أي وقت
جاب كمان مدير مالي خبرته 10 سنين = كدا زود خبراته في الماليات لـ 10 سنين كمان وهكذا ..
بصورة صحيحة ، لكن قدراتنا على تطبيق مبدأ التعاون غير محدودة .
7- ابقِ المنشار حاداً ( جدد نفسك ، حياتك )
لو انت اتعلمت أو بتتعلم لغة جديدة لو أهملتها فترة أو مش استخدمتها هتنساها وتنسى كلماتها
نفس الشيئ بالنسبة للعادات الستة اللى فاتت ، لازم تستخدمها وتغذيها باستمرار ..
علشان تكن فعال لازم تجدد قوتك باستمرار ، وتنمي جسمك بالرياضة ، وعقلك بالثقافة والمعرفة
وتنمي روحك بالإيمان والقيم ، وتنمي العواطف بالتواصل مع الناس .
إبراهيم وحسين الاتنين بيشتغلوا في النجارة ، كل واحد فيهم ببيستخدم المنشار بصورة مستمرةممارستك للرياضة هتلاقيها مفيدة ليك في غنك تاخد قرار أفضل في الشغل
الطبيعي إن المنشار بعد فترة هيفقد كفاءته بالتدريج !
ابراهيم هيتجاهل فكرة إنه يسن المنشار ، وشايف إن شغله أهم ومعندوش وقت انه يسن المنشار
عكس اللى هيعمله حسين
لو جينا بعد شهرين وحبينا نشوف انتاجية كل واحد فيهم في اليوم هنلاقي إن انتاجية حسين أكبر
بكتير من انتاجية ابراهيم اللى بياخد وقت أكبر ومجهود أكبر في قطع الخشب .
اهتمامك بالمعرفة هيفيدك في حياتك الإجتماعية ... وهكذا
ممكن متبقاش شايف أي صلة بين الرياضة والشغل مثلاً ، بس لو جربت هتحس بشكل كبير ..!
ليست هناك تعليقات