ناس كتير بتسأل الـ freelancer ( فري لانسر ) دا يعني ايه وبتاع ايه ؟ وازاي ابقى freelancer ؟
في موضوعنا النهارده هنحاول نجاوب على الأسئلة دي
بس في البداية عايزين نعرف الفرق بين :
( البحث عن وظائف على الإنترنت ) و ( العمل من المنزل ) و ( العمل الحر عبر الإنترنت )
البحث عن وظائف على الإنترنت ( Search online for Jobs )
ودا مقصود بيه العمل الثابت بأجر ، في مؤسسة أو شركة أو غيرهبس بيقول الشخص بالبحث عن الوظيفة عن طريق شبكة الإنترنت ، والخدمة دي بتقدمها
مواقع التوظيف Employment Websites على الإنترنت زي : موقع bayt و tanqeeb
العمل من المنزل ( Work from Home )
دا مقصود بيه أي شغل أو عمل تعمله من غير ما تتنقل من بيتك لأي مكان تاني ولا أي شيئولا حتى تحتاج شبكة انترنت ، والنوع دا في الغالب بتقوم بيه ربات المنازل والأمهات
على سبيل المثال : إن سيدة تفتح حضانة في بيتها وتستقبل فيها أولاد الجيران او غيره
وتعلمهم بعض العلوم ويعملوا بعض الأنشطة وخلافه .. وبتاخد مقابل على الخدمة والعمل دا .
فدا نقول عليه ( عمل مستقل من المنزل ) ..!
أما : العمل الحر عبر الإنترنت ( دا اللى اسمه Free lance الشغل على النت )
فدا هنتكلم عنه شوية ونحاول نفصل فيه وهو موضوعناوإللى بنعتبره البديل الأفضل - للوظائف - اللى بنقترحه في ( معرفة )
freelancer
معناها موظف حر أو موظف مستقل ، وبيطلق على الشخص اللى بيعمل حر عن طريق الإنترنت .الـ Freelanc زي ما قولنا هو العمل الحر ..
يعنى إنك بتقدم خدمات لأفراد وشركات فى اى مكان فى العالم Online وانت قاعد فى مكانك ..!
قلنا إن الـ Free lance هو العمل المستقل القائم بالأساس على استخدامك لشبكة الإنترنت
ومجالات العمل دا أو الأعمال اللى ممكن يقوم بيها الـ freelancer كتيرة جداً
بس أهم شيئ إنك تكون متقن جداً للخدمات اللى هتقدمها ودا أهم شيئ في الأمر
ودي بعض المجالات اللي ممكن تشتغل عليها :
* تقدم كورسات تعليمية لاي مادة علمية أو تعليمية أو أي حاجة انت متقنها .
* تجهز ابحاث علمية وكتابتها
* Video Production : تصميم ومونتاج وعمل مقدمات فيديو
* تشتغل فى ال Marketing والـ Social Media
* البرمجة : أيا كانت لغة البرمجة اللى بتستخدمها .
* التصميم : أيا كانت برامج التصميم اللي بتستخدمها فوتوشوب أو غير من برامج الجرافيكس Graphic Design
* التصوير | Photography
* التفريغ الصوتي : إذا كنت مستمع جيد وتستطيع كتابة الدروس الصوتية .
* الـ Voiceover : اذا كان عندك موهبة في الصوت وتقدر تحول نص لمقطع بصوتك .
* Data Entry ادخال بيانات على الوورد و الآكسيل وغيرها .
وتحت كل مجال من دول فيه مجالات تانية كتيرة جداً ممكن تدخل هنا تشوف أكتر ( هنا )
والمطلوب :
مطلوب منك دلوقت انك تجيب ورقة وقلم وتبدأ تكتب الخدمات اللى انت مستعد تقدمها
وممكن المجالات اللى قلناها فوق تساعدك ، وهنكمل في موضوعات جاية كمان إن شاء الله ^_^
ليست هناك تعليقات